شلة حلبية
أهلا وسهلا فيك لك خااااي وعراسي حارتك

أسرة منتدى شلة حلبية بتتمنالك انك تكون بتمام الصحة والعافية

إذا كانت هي أول زيارة إلك فمن بعد أمرك تفضل وسجل معنا مشان تصير واحد من أسرتنا

أما اذا كنت عضو معنا فتفضل وسجل دخولك وميت السلامة Smile

..................... حـــلـــبــنــا تـــجــــمــــعــــنــــا ......................

مصطلحات حلبيه

استعرض الموضوع السابق استعرض الموضوع التالي اذهب الى الأسفل

مصطلحات حلبيه

مُساهمة  أيهم في السبت أكتوبر 11, 2008 6:07 pm

كُه(بضم الكاف) او كُهنه======هذا هو (للمذكر القريب المفرد)

كِه (بكسر الكاف) او كِهنه=== هذه هي (للمؤنث القريب المفردة)

كُهاك( بضم الكاف) ======هذا هو (للمذكر البعيدالمفرد)

كِهاك(بكسر الكاف) =====هذه هي للمؤنث البعيد المفرده)

كُهاكين(بضم الكاف)=====هؤلاء هم( لأكثر من واحد للمذكر)

كِهاكين(بكسر الكاف) ====هؤلاء هم(لأكثر من واحد للمؤنث)

استكمالاً للقاموس الحلبي إليكم هذه المجموعة من الكلمات الخاصة بحلب:

جنق وتلفظ (تشنء)... هي الصحن

خوليه ..... هي البشكير أو المنشفة

جمجايه...وتلفظ (تشمتشاي)... . هي يعني معلقه السكب المقعرة

سكرتون.... يعني خزانة

لا تجقجق .... يعني لا تدوس على الماء ( هي إذا كانت الأرض ممسوحة)

عَوْجِة ... كوع

اشبك ؟ --- سؤال استفسار

عَلوّا ... أي يا حبذا

اشلك فصتون ؟ .... يعني بالشامي شو بدك فيون

تَعَوَّقِت ... يعني تأخرت (وبقلك المتل بحلب المتعوق حجتو معو )

باتشاية ... غطاء الوتش ===> الوجه

عجب . . أداة تعجب حلبيه المنشأ (عجب خيو محما را يجي اليوم ولا لا ؟ )

كنجفة و سكمبيل ... تنيناتن مرادف لورق الشدّة

آط .... هي مرادف لكلمة طابق (يعني فلان ساكن بالطابق الخامس أو خامس آط )

فَرْشْخَانِة......هي اللي بيلتم فيا الوسخ..(السفاية)

خِطَّار .... يعني ضيوف

باب السقاق(السآء).....يعني باب الدار

جوجحانة .. معناها المرجوحة

قفه .... سله من خيزران يوضع فيها التين عادة .....

سَئَّاطَة او سَقَّاطَة و هي القطعة المعدنية اللي بندق فيها باب الصئَاء أو باب البيت

و بتجي كمان بمعنى سَئَّاطة الكبة ، و هي قطعة الكبة بصينية ......

انْصْرَة ..... يعني اغتنم الفرصة (مثال--- انصرة انتو عنا يعني نغتنم فرصة وجودكم عندنا )

فصط ... يعني وسط (شنو عدم المستاخذة : نحن من فصط حلب )

ديوانة ... كناباية

وأخيراً أقدم لكم هذا اللقش مع الشرح و إعراب المفردات :

"إشْ عم تِلْقُشْ أبوي .. ؟؟ تُقْبُشْ قلبي صرلي عايش طول عمري بفصط حلب وطاول طاول ما

سمعت كلمة أَخَرْمِشْ السما . دي حاج تقسيم علينا حج أبو عبدووو "

شرح المفردات :

طاول طاول .... يعني أبداً أبداً

دي بالحلبي أداة تحريكيه .. يعني دي خيو .. خلصنا (هي بالمشرمحي)

وتُعرب هذه الكلمة كالتالي ..دي أداة فَجْلَقَه حلبيه لا محل لها من الإعراب

مصطلحات حلبية عن أسلوب الاختصار:

تاااا ... بدل من تعال

رووو ... بدل من روح

ما راي .... بدل من مالي رايح

ابخالتي ... بدل من ابن خالتي

شأساعه ... بدل من شقد الساعة

صَعِي ... أداة استدراك بمعنى صحيح
avatar
أيهم

المساهمات : 15
تاريخ التسجيل : 11/10/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: مصطلحات حلبيه

مُساهمة  Admin في الثلاثاء أكتوبر 21, 2008 1:50 am

شكرا خيو وابوس شنق وشك والله يعطيك العافية


مشكوووووووووووووووووووووور
avatar
Admin
Admin

المساهمات : 195
تاريخ التسجيل : 27/05/2008

معاينة صفحة البيانات الشخصي للعضو http://7alabia.yoo7.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى