شلة حلبية
أهلا وسهلا فيك لك خااااي وعراسي حارتك

أسرة منتدى شلة حلبية بتتمنالك انك تكون بتمام الصحة والعافية

إذا كانت هي أول زيارة إلك فمن بعد أمرك تفضل وسجل معنا مشان تصير واحد من أسرتنا

أما اذا كنت عضو معنا فتفضل وسجل دخولك وميت السلامة Smile

..................... حـــلـــبــنــا تـــجــــمــــعــــنــــا ......................

يوميات بكري

استعرض الموضوع السابق استعرض الموضوع التالي اذهب الى الأسفل

يوميات بكري

مُساهمة  Admin في الخميس مايو 29, 2008 3:42 am

.. ابداع شخصي من الكاتب (أبو بيهس شيخ الشباب) ..حمودة.. ارجو ان تنال اعجابكم ....؟؟؟



يوم من ايام الشتاء القارضة فاق( استيقظ ) اخونا بكري اول ماجهجه الضو( طلع ضوء النهار )على اصوات

باعين الغاز و وبعض بياعين الخضرة الجوالين على الحمير والدواب .. وهم يصرخون وينادون على بضائعهم

ومن بعد ماصحصح اخونا بكري وقال اصبحنا واصبح الملك لله رفع راسه من الفرشه وقعد يرفس الحرامات يللي متغطي فيهم اكتر من ربع ساعة

بعدين فز(نهض) من الفرشة وصاح يامو يا يامو صباح الخير يا حجة قالتله اهلين ابني بكري ..

قلها يوم تشربي معي جّاي(شاي) قالتله ليش لا ابني روح شعول الغاز وحط براد الجّاي(ابريق الشاي) قلها امرك يا حجة

قالتله ابني بطريقك شعول الصوبه الماظوط(مدفأة المازوت) قلها يا يوم كل شحوار اجليها لبعد شوي ماشي حجة قالتله متل مابتريد ابني

ومن بعد ماشرب اخونا بكري الجّاي مع الحجة ام بكري قلها يوم بدي افطر قالت له قوم يا ابني افتح البراد وشوف اشو بدي احط لك فطور

فتح اخونا بكري البراد واخرج طنجرة المحشي بحمض (اكلة حلبية دسمة) وصينية الكبه قلها يوم بدي اكل محشي وكبة ..

قالت له يا حبيبي هي اكله تقيله بوقت الصبح بلا ماتاكل دسم كول شي خفيف .. قلها له ياحجة هلاق المحشي دسم ..

المحشي عبارة عن خضار .. واقتنعت الحجة ام بكري بكلام ابنها بكري .. وسخنة له الطعام وحطته على الطاولة

وقال اخونا بكري بسم الله وبدا بالطعام وبلمحة البصر قال الحمد لله الذي اطعمنا من خيره .. قالت له الحجة ام بكري شعبت يوب(تقال للابن)

قلها اي والله ياحجة يسلم هالايدين .. ولبس حويجه(ملابسه) وقبل مايطلع من البيت باس(قَبَل)ايد الحجة ام بكري ..

وقلها يقبرني هالوج (كلمة غزل حلبية) قالت له روح يا ابني ان شاء الله تمسك التراب يقلب دهب .. وفتح بكري باب صئاء(باب البيت)وخرج الى عمله وكان يعمل على بسطة فلافل (محل صغير للصندويش)

.. وتوجه الى راس الشارع ورفع ايده من شان يوقف مخرو(مكرو او سرفيس) وكان المخرو صغير 14 راكب وضرب بكري بصاص بعينه (نظر)

لجوات المخرو(داخل السرفيس) وشاف اكتر من 25 راكب جوات المخرو اخد حسبه الله وطلع بالمخرو وبدا شوفير المخرو(سائق السرفيس) بالطحش(السرعة الزائده)

وكان الشوفير عم يشرب سيكارة حمراء طويلة(نوع من التبغ الوطني) وكان يستمع الى اغنية من التراث الشعبي ..واسمها ( وعدتينا تحت التينا وماجيتينا )

وصل اخونا بكري الى البسطة يللي بيشتغل فيها ..وبدا بالعمل واذ اجت(اتت)لعنده وحده بنت حلوة .. قالت له ممكن سندويشه .. فتفاجا بكري بهذه الكلمة الرقيقة التي سمعها اول مرة فقال للبنت انت من اورمبا(اوربا)

قالت له لا ليش قالها مابعرف مافهمت عليكي اش بدك قالت له سندويشه قاله ايوة صندويشة بدك قالت له اي من بعد امرك .. قلها لعيونك واحلى صندويشة فلافل مع طرطور(طحينة) زياده ومع كاظوظه(مشروب غازي) حمرا





يتبع ....


--------------------------------------------------------------------------------

ومن بعد ماخلص الصندويشة اخونا بكري وعطاها للصبية الحلوة .. قال لها يقبرني السحلب يللي وجّه قيمق(كلمه غزل حلبية صعب جدا فهمها)

وراحت الصبية الحلوة وكانت لابسه باجّايه(مانطو طويلة) وطرقها مطس(ونظر اليها) من فوق لتحت .. وبدا اخونا بكري ينادي على البسطه

ويقول (فلافل تازه كول تازه مابتتأذى) وبدأ بالعمل حتى الساعة الخامسه مساءا واخد اجرته من معلمه في العمل وانصرف بكري عائدا الى البيت

وفي طريق العودة الى الحوش(البيت) اشترى صفط مشبك ولقم(حلويات للدراويش) وذهب لعند الحجة ام بكري .. ودق باب صئاء وفتحت الحجة

ام بكري وقالت له روح ربي يرضى عليك ويفرجيك ليلة القدر .. قلها الله يديمك يوم(امي) وقالت ليه الحجة ام بكري ابني اذا بدك تتخسل(تتغسل او تستحم)

الآظان(الخزان) حامي روح عملك تمين صابون غار واطلع كول لقمتين ..راح بكري وعم تمين حمام وهو بالحمام عمله عراضة حلبية وكم غنيه من التراث الحلبي

وخلص حمام وحط البشكير(المنشفة)على جسمه ولبس حويجه وكانت الحجة ام بكري عم تجهز الغدا(طعام الغداء) قالها يامو يا يامو اش طيبخه(ماهو الطبخ)قالت له

طيبخة مسئّعة البندورة بعبها محشي(اكله حلبية لذيذه) واكل وكل العاده بدا بكري بالطعام وقال بسم الله وبلمح البصر قال الحمد لله الذي اطعمنا من فضله كانت الطنجرة

ممسوحة وخاوية وقالت له الحجة ام بكري (مطرح مايسري يمري ومطرح مايعدي يأسس)وهو (متل حلبي ومعناه صحة والف هنا)وحطت صفط المشبك واللقم وبدأو بالطعام هي وبكري

على الصفط ياقاتل يامقتول وفجأه خلص الصفط قالت له يسلم ايديك يا ابني .. قالها ان شاء الله الف صحة وهنا ياحجة ..قالت له يا ابني ايمت(متى) بدي افرح فيك واجوزك

وحده حلوة فتذكر بكري البنت الكربوجة يللي كانت عنده الصبح .. وتنهد وقال آآآآآآآآآه يا يامو اليوم اش شفتلك وجّ حلو عليها لحسه لبن(جميلة جدا) خيله ..

قالت له الله كريم لك يا ابني انت شدلي حيلك بالشغل وصير صاحب بسطة ولاتاكل هم ان شاء الله بدي اجوزك احلى وحده بحلب .. قالها ان شاء الله يا يامو

وقال لها صرت معلم على سن ورمح(كلمة مفاخره حلبية)قالت له ماشي ياابني ان شاء الله خير .. بس انا شفتلك بنت جيراننا حلوة واسمها درّيه(اسم غريب مابعرف معناه)

وقالت له ماشاء الله عليها طول وكسم ولسان حلو .. وبدا بكري يحلم احلام اليقظة وكيف هو ماشي وخلفه جيش الاولاد يللي مخلفه وهو مؤلف من خمسطعش ولد(15 ولد)

وراحت الحجة ام بكري بتجهز الفرشه(السرير) وقالت له يلا ياابني قوم وحط راسك على الفرشة ونام بكرا عندك شغل .. وراح اخونا بكري على الفرشة وحط راسه ونام ..


وتوته توته خلصت الحتوته .. حلوة ولا مفلوته
avatar
Admin
Admin

المساهمات : 195
تاريخ التسجيل : 27/05/2008

معاينة صفحة البيانات الشخصي للعضو http://7alabia.yoo7.com

الرجوع الى أعلى الصفحة اذهب الى الأسفل

رد: يوميات بكري

مُساهمة  الاصل حلبي في الجمعة مايو 30, 2008 6:30 am

حلوي مو مفلوتي



عن جد كتير حلوي يسلمو ايديك انتي وبكري
وام بكري على المحشي
avatar
الاصل حلبي

المساهمات : 22
تاريخ التسجيل : 30/05/2008
العمر : 35

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

شي حلوووووو ومرتب

مُساهمة  memeoحلبي وأفتخر في الجمعة يونيو 20, 2008 7:28 pm

ياسيدي معلم وارجو أن يكون هناك موضوع عن المصطلحات الحلبيه وترجمتها الى اللغه العربيه هههههههههههههههههههههه مثال : أشو - معناها ماذا
مثال رقم :2شقد صوابه - ومعناها كم ثمنها
وأنشاء الله بدي ساوي صفحه خاصه لترجمه المصطلحات الحلبيه الى اللغه العربيه دعواتكم لي بتوفيق
cheers
avatar
memeoحلبي وأفتخر

المساهمات : 63
تاريخ التسجيل : 20/06/2008
العمر : 32
الموقع : muntaser85@hotmail.com

معاينة صفحة البيانات الشخصي للعضو http://muntaser85@hotmail.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى