ممكن تحكي بصراحه كتير كبيره ........ الصريح يدخل بس............

الموضوع النت في سورية بين الشباب
طبعا أنا عم أحكي على نسبه 99% من الشباب والبنات فقط والباقي ألي عم يقرا هالموضوع!!!!!!!!!!!

1- الشب ما بيدخل على النت ليزيد معلوماتو أو ثقافتو بس ليتعرف على البنات من أي موقع بيصحلو ......... صح ولا خطأ
2-الشب بيتم يحاول أنو يلفت أنتباه البنات موبنت وحده بس بأي شكل كان ........... صح ولا خطأ
3-الشب بس قالتلو البنت أهلين وعرفني على حالك بيصير نازل من السما .......... صح ولا خطأ
4- الشب بيتم على الصداقة عالأساس شوي وبس شاف في تجاوب بيقلب على الحب ............. صح ولا خطأ
5-الشب بيعتبر النت وسيله لتفريغ المشاعر ألي عندو مع أي بنت لانو سهل وايمت ما بدو ببطل ............ صح ولا خطأ
6- الشب دائما بيبدا بعطيني أيميلك وبعدا رقم الجوال و......ألخ .............. صح ولا خطأ
...................................................................................................................................................................................
أما الـــــــــــــــــــبـــــــــــــــــــنـــــــــــــــــــــــــــــات
1- البنت بتدخل على النت لتتعرف على شباب لأنو ماحدا بيعرفا مين ولا ممكن يسببلى مشاكل وهون مافي شي عيب ....... صح ولا خطأ
2-البنت بتدخل على النت بعد ما تتعرف على شي شب لتسمع وتشبع حاله من كلمات الغزل والحب ....... صح ولا خطأ
3-البنت بتدخل على النت قدام أهلى عالأساس عم تحكي مع رفقاتا البنات وفي أغلب الأحيان بعد 12 باليل بس ينامو ........ صح ولا خطأ
4-البنت على النت بتحاول تبعد عن أي شي يمكن الشب من معرفتا مين هيه واللقاء المباشر ممنوع ممنوع ............. صح ولا خطأ
5- حـــــــــاجــــــــــه لــــــــــهــــــــون
.................................................................................................................................................................................
أمــــــــــــــــا بـــــــــــــشـــــــــــكـــــل عــــــــــــــــــــام
1- الصداقه الحقيقيه على النت شي مو موجود أبدا ............... صح ولا خطأ
2- الحب على النت ما لو وجود كمان ................... صح ولا خطأ
3- ما رح أقول الكل بس نص المعلومات عن الشخص في النت كذب ............. صح ولا خطأ
4- ما حدا ألا القليل ممكن يحط صوره شخصيه حقيقيه لأنو بيخاف حدا بعرفو لا شب ولا بنت ................ صح ولا خطأ
5- الكل ما بيحط الأسم الحقيقي لأنو بيقلك مو لازم حدا يعرف الأسم لا ينكشف ............... صح ولا خطأ
6- المنتدى الي ما فيو بنات ما بيشد الشباب ليشاركو فيه ................. صح ولا خطأ
.....................................................................................................................................................................................
والدليل على كلامي الواقع مني وجر
وما في حدا بيزعل من الواقع يعني الحقيقة
لمره وحده أحكو بصراحه والي غير هيك يعطينا الحقيقه الي ما منعرفا؟؟؟؟؟؟؟؟؟؟؟؟؟؟؟؟؟؟؟؟؟؟
مع تحيات أنس
شكرا الكن جميعا

مرحبا لميا
شكرا كتير على صراحتك القويه
أنا مسرور أنو كان ردك هيك
الصراحه كتير حلوه مو هيك
شكراً مره تانيه
مع كل أحترامي.............أنس

الصراحة حلوة كتيييييييييييير مشكور انس عهل الموضوع
انا ما رح جاوب عن الشباب بس على الاغلب رح يكونو اجوبتي صح
1-صح بس مو الكل
2-صح
3-صح
4- صح بس الشب المنفتح مو هيك
5-صح بس اذا كان الشب معقد
6- صح

................................................................
1-صح بحب اتعرف بس مو لانو ما بيعمل هون مشاكل او عيب بس بحب اتعرف عالنت لانو طريقة غير تقليدية بس بحب اتعرف على بنات كمان
2- خطأ اذا بتحب بكتبلك جريدة بالغزل
3-خطأ انا بدخل بالنهار اكتر بس ما بحب ادخل واهلي مو جودين منشان ما يصرعو راسي سكري النت وسكري النت
4-خطأ بس اللقاء المباشر ممنوع لانو ما بعرف الشب بس اذا عرفتو منيح ممكن شوفو واتعرف عليه

........................................................................
1-خطأ لانو عندي رفقة من 4 سنين من النت
2-خطأ لانو ياما عالم متزوجين من النت
3-صح بس مو الكل
4- صح بشكل عام بس اناما بحط صورتي لانو مو ضروري ومافي حدا مهم ليشوف صورتي بس مو لاني بخاف ليعرفني حدا
5صح بشكل عام بس انا ما بقول اسمي مو لانكشف بس اذا بتحب تعرف انا اسمي رشاااااااااااااااا
6- صح وبصراحة اكتر الشباب بلا وجود بنات في اي مكان كان مالو معنى ونفس الشي البنات مو منشان التطبيق او الحب لأ بس التنين مع بعض بكملوبعض

مرحبا يا مدللة
صراحتك كتير قويه دليل شخصيه قويه ومنفتحه
أنا كتبت هالموضوع وما كنت متوقع هالشي أبداً
الردود أجت كتير جيده
شكرأً ألك كتير على الرد الصريح والحلو
بتمنا أقرأ مواضيع لألك كمان تكون حلوه
تحياتي ألك .........أنس

1- الشب ما بيدخل على النت ليزيد معلوماتو أو ثقافتو بس ليتعرف على البنات من أي موقع بيصحلو............. صح60%
2-الشب بيتم يحاول أنو يلفت أنتباه البنات موبنت وحده بس بأي شكل كان .......... صح80%
3-الشب بس قالتلو البنت أهلين وعرفني على حالك بيصير نازل من السما............ صح90%
4- الشب بيتم على الصداقة عالأساس شوي وبس شاف في تجاوب بيقلب على الحب ........ صح100% ماعدا أنا
5-الشب بيعتبر النت وسيله لتفريغ المشاعر ألي عندو مع أي بنت لانو سهل وايمت ما بدو ببطل........ صح100%
6- الشب دائما بيبدا بعطيني أيميلك وبعدا رقم الجوال و......ألخ ....... صح بس بتعرف ليش؟


1- البنت بتدخل على النت لتتعرف على شباب لأنو ماحدا بيعرفا مين ولا ممكن يسببلى مشاكل وهون مافي شي عيب.......... صح 55%
2-البنت بتدخل على النت بعد ما تتعرف على شي شب لتسمع وتشبع حاله من كلمات الغزل والحب............ صح80%
3-البنت بتدخل على النت قدام أهلى عالأساس عم تحكي مع رفقاتا البنات وفي أغلب الأحيان بعد 12 باليل بس ينامو......... صح55%
4-البنت على النت بتحاول تبعد عن أي شي يمكن الشب من معرفتا مين هيه واللقاء المباشر ممنوع ممنوع .......... صح99%


1- الصداقه الحقيقيه على النت شي مو موجود أبدا ......... صح 55%

2- الحب على النت ما لو وجود كمان ......... أذا قلت صح في ناس بده تزعل.... وأذا قلت لاء رح أزعل أنا؟؟؟؟؟؟؟؟
ما رح أقول الكل بس نص المعلومات عن الشخص في النت كذب..........صح99%
- ما حدا ألا القليل ممكن يحط صوره شخصيه حقيقيه لأنو بيخاف حدا بعرفو لا شب ولا بنت......... صح بس بتعرف ليش؟؟؟؟؟؟؟؟؟؟؟؟
5- الكل ما بيحط الأسم الحقيقي لأنو بيقلك مو لازم حدا يعرف الأسم لا ينكشف............ صح بس بتعرف ليش؟؟؟؟؟؟؟؟؟؟؟؟
6- المنتدى الي ما فيو بنات ما بيشد الشباب ليشاركو فيه......... صح صح صح 100% ومع الأسف؟

نــــيـــــــــــنــــــــــــــاد الـــــــــــــــغــــــــــــــــالــــــــــــــــــــــي
أول الشي فكره حلو طريقه النسب
لأني أنا أجوبتي على الأسئلة مو صح أوخطأ بالشكل التام
لذلك النسب فكره ملعوبه منك
تاني شي يسلمو على ردك الصريح الكويس
بس أحكي ألي مقتنع فيه ومين ما بدو يزعل
وما أطن في حدا بزعل من الصراحه
شكرأً الك مره تانيه.........أنس

شو نيناد عم يخاف على مشاعر اعضاء المنتدى و مالي خبر

شو بدي أعمل قلبي كبير

قلبك كبير



بس قاسي

يا لولو

أحيانا لازم الأنسان يكون قاسي

لانو هيك مجيمع بدك هيك قلب

لك شو دخل المجتمع يا نيناد بموضوعنا خلي قلبك قاسي برا النتدى ابوس النبي

انت قلبك كبير ومحب وبوسع العالم كلها بسسسسس الا قصة انك تحب بنوتة ظريفة ما عندك ياها
وقلبك قاسي فيها كمان والله عم بدعيلك ربي يهدي بالك وتوقع بمحبة وحدة وما تقوم يارب يا ابو القلب الكبير انت روحنا نحن القلوب الكبير

أمرك يا رشا

بس وعد ما رح أحب بنت

أنشاء الله

أنا أنسان لا أوامن في الحب في هذا الزمان

أنا هيك أذا عجبكم أهلا وسهلا

وأذا ما عجبكم كمان أهلا وسهلا

ماشي يا نيناد والايام بيناتنا

وخليك عند وعدك لانو انت الخسران يا حرام على قلبك يلي شايلو شو مظلوم معك

وعراسي انت ان حبيت او لأ

هههههههههههههه نيناد أنا عم بدعيلك مع مدللة الله يعلقك بشي وحدة قموووووووووورة

قولو امين اعضاء

معلم أنس

لشوف مين بدو يكون صريح متلي؟

هي أسمي الكامل وأيميلي ؟

وصورتي؟

روحناااااااااااااااااا الصراحه أنوسسسسسسسسسسسسسسس

رح جاوب بس عن البنات وهيدا اكيد ما بنطبق عن كل البنات
أما الـــــــــــــــــــبـــــــــــــــــــنـــــــــــــــــــــــــــــات
1- البنت بتدخل على النت لتتعرف على شباب لأنو ماحدا بيعرفا مين ولا ممكن يسببلى مشاكل وهون مافي شي عيب .......
بجوز لتتسلا مو اكتر متل هلق انا اليوم ما كان عندي دواام وماله فشفت هالمنتدا وخاصا هالموضوع شدني وخلاني سجل بس تحتا اعطي رئي مو اكتر

2-البنت بتدخل على النت بعد ما تتعرف على شي شب لتسمع وتشبع حاله من كلمات الغزل والحب .......
لا لا لا غلط بس بجوز عشرين بالميه صح

3-البنت بتدخل على النت قدام أهلى عالأساس عم تحكي مع رفقاتا البنات وفي أغلب الأحيان بعد 12 باليل بس ينامو ........
هلق على اساس رفقاتي شي اكيد بس بعد ال12 لا مو مضره

4-البنت على النت بتحاول تبعد عن أي شي يمكن الشب من معرفتا مين هيه واللقاء المباشر ممنوع ممنوع .............
صح لانو ما بتامن بي الحكي كلو تسلايه بقى ليش اعرفو عن حالي
5- حـــــــــاجــــــــــه لــــــــــهــــــــون
اوكى بكفي ممنونتك
.................................................................................................................................................................................
أمــــــــــــــــا بـــــــــــــشـــــــــــكـــــل عــــــــــــــــــــام
1- الصداقه الحقيقيه على النت شي مو موجود أبدا ...............
هلق بالحقيقه ما عاد بقى في صداقه حقيقيه بقى كيف وعالنت
بس هيد ما بمنع يكون في صداقه

2- الحب على النت ما لو وجود كمان ...................
ما بعرف

3- ما رح أقول الكل بس نص المعلومات عن الشخص في النت كذب .............
صح
4- ما حدا ألا القليل ممكن يحط صوره شخصيه حقيقيه لأنو بيخاف حدا بعرفو لا شب ولا بنت ..............
لا كتير منون بجطو صورتون بس المشكله انو تكون هي او لاء

5- الكل ما بيحط الأسم الحقيقي لأنو بيقلك مو لازم حدا يعرف الأسم لا ينكشف ...............
انا معك بس مو لنفس السبب

6- المنتدى الي ما فيو بنات ما بيشد الشباب ليشاركو فيه ................. صح
..... وبالاخير بقلك شكر كتير الك لطرح هالموضوع